ليه بنمر بمرحلة البلوغ؟
فيه تغيرات كتير بتحصل لجسمك في مرحلة البلوغ ودي مهمة عشان جسمك يكون مستعد بعد كده للحمل والانجاب.
حاسه ان وزني زاد الفترة الاخيرة .. ده طبيعي في المرحلة دي ؟
أيوة طبيعي ..ده كمان علامة ان صحتك كويسة لأن خلال مرحلة البلوغ في دهون بتتكون عند البطن والكفل والفخدين وده لحماية أعضاء التناسل.
كمان هتلاحظي انك بقيتي أطول وكل الحاجات دي تخليكي مطمنة على نفسك وان معدل نمو جسمك طبيعي .
