مهم قوي إنك تفكري إزاي هتتصرفي في المواقف المختلفة اللي ممكن تقابلك وقت حدوث الدورة الشهرية.
مهم انك تستخدمي فوط صحية وقت حدوث الدورة الشهرية ، وأولويزالترا العادية هتناسبك أكتر في الفترة دي لأن دورتك الاولى غالباً بتكون خفيفة.
ولأن ميعاد دورتك الشهرية ممكن يجي فجأة ومتكونيش مستعدة فممكن تحتفظي بفوطة أو أكثر في شنطتك ، لكن لو مكنتيش مستعدة خاصة وانتي في المدرسة ممكن تتستخدمي ورق حمام أو مناديل مؤقتاً وبعد كده ممكن تسألي واحدة من زميلاتك أو مدرساتك عن فوطة زيادة ، ومعظم المدارس بتكون محتفظة ببعض الفوط لأوقات زي دي.
وطبعاً ملابسك الداخلية معرضه للبقع لكن متقلقيش هتطلع بسهولة بغسيلها بماء بارد وصابون.
هفقد دم قد إيه خلال دورتي الشهرية؟
كمية الدم في تدفق الدورة الشهرية بتختلف حسب طبيعة جسم البنت وكمان من يوم للتاني خلال الدورة.
لكن غالباً كمية الدم بتكون أكثر في الأيام الأولي وبتكون حوالي من 80 اإلى 85 ملل وفي الأيام الاخيرة بتكون الكمية خفيفة جداً .
ساعات بتفتكري انك بتفقدي دم كتير لكن الكمية مش كبيرة زي ما انتي متخيلة ، لأن جسمك بيحتوي على أكثر من 2500 ملل من الدم وبكده الكمية اللي بتفقديها قليلة جداً خلال الدورة وكمان جسمك بيعوضها بسرعة.
لكن لو كنتي حاسة انك بتفقدي دم إكتر من كده لازم تسألي الدكتور.
دورتي الشهرية منقطعة من فترة .اعمل إيه؟
فيه اسباب كتير لانقطاع الدورة أولها الحمل وغير كده في اسباب كتير قوي زي الضغط النفسي أو القلق بسبب أي حاجة في حياتك.
كمان الأكل بشكل غير منتظم والتدريبات الرياضية المتكررة بتقلل أوقات حدوث الدورة.
وفيه أسباب طبية كتيرممكن تكون هي السبب عشان كده لازم تسألي دكتور متخصص عشان تعرفي السبب وتعالجيه.
ينفع أمارس هوايتي في السباحة خلال فترة الدورة الشهرية؟
أكيد ممكن تروحي للسباحة وقت الدورة لكن لو معاكي سدادة وقف النزف "تامبون " بدل الفوطة الصحية ، وهتحتاجي تغيريها قبل وبعد السباحة.
السدادات مهمة لانها بتمنع خروج السائل من جسمك .
بحس ان ليا رائحة معينة خلال دورتي الشهرية .أعمل إيه؟
ده ممكن يحصل لما يخرج الدم من جسمك ويختلط بالهواء ومع الوقت ممكن تحصل منه رائحة..عشان كده غيري الفوطة الصحية بانتظام "على الأقل كل أربعة ساعات " لكن متقلقيش لو فيه رائحة محدش بيلاحظها غيرك.
<
دورتي الشهرية كثيفة، ده طبيعي؟
لو كنتي بتعاني من نزول دم كثيف وبتستخدمي فوط صحية امتصاصها عالي وبتضطري تغيريها أكثر من مرة "أقل من مرة كل من أربع ساعات" .
كده يبقى لازم تسألي دكتوروحاولي تاخدي معاكي ورقة مكتوب فيها الأيام اللي بتحسي فيها الدم كتير،ونوع الفوط اللي بتستخدميها وبتغيري الفوطة كام مرة في اليوم .
بكره وقت الدورة الشهرية من شدة الألم اللي بحس بيه ..ازاي اتغلب على حاجة زي دي؟
بنات كتير بتعاني من نفس الالم وده شيء طبيعي لأن رحمك بيتعرض للانقباض في الايام دي.
لكن كمان مش كل البنات بتعاني بنفس الدرجة بالعكس ده فيه بنات مش بتحس بأي ألم خالص..وده لأن كل طبيعة اجسامنا مختلفة .
