حساسة اني افرازاتي مش طبيعية ..أعمل إيه ؟
فيه حاجات معينه تعرفي بيها إن افرازاتك المهبلية مش طبيعية زي وجود دم في وقت غير وقت الدورة.
والدم ده بيكون إما كثيف أوأكثر بياضاً من العادي أو لونه أصفر مائل للإخضراروكمان ريحته بتكون غير مستحبة. كمان لو بتعاني من حكة أو ألم .
لو كنت بتعاني من الاعراض دي يبقى أفضل انك تسألي الدكتور.
سمعت عن حاجة اسمها " عدوى الخميرة " يعني إيه ؟!
عدوى الخميرة أحد الأشكال الشائعة لعدوى المهبل. أعراضها بتكون عبارة عن ألم وحكة حول منطقة المهبل ووجود إفرازات أكثر سمكاً وبياضاً.
مهم قوي انك تسألي الدكتور لو حسيتي انك مصابة بعدوى الخميرة لأول مرة عشان تتأكدي وتاخدي العلاج المناسب ليها.
عشان تحافظي على نفسك من مخاطر الاصابة بعدوى الخميرة ،ابعدي عن الملابس الضيقة تحت البنطلون لأن ده بيخلق البيئة الرطبة والدافئة الضرورية اللي بتساعد على نمو هذه الخميرة.
كمان البسي ملابس داخلية قطنية وابعدي عن الصابون اللي رائحته نفاذة.
لو اتأكدتي أن الأعراض اللي أصابتك هي أعراض عدوى الخميرة ممكن تجربي الأدوية المضادة للفطريات الموجودة الصيدليات.
بعاني من حكة مهبلية، أعمل إيه؟
هناك أسباب كثيرة للحكة المهبلية زي إنك تكوني مصابة بعدوى الخميرة أو نوع آخر من عدوى المهبل.
لكن ساعات كتيرالحكة بتكون مجرد حكة. لو الحكاية دي قلقاكي اسألي دكتور فوراً.
بحس بحرقان عند التبول، أعمل إيه؟
غالباً كده انت مصابة بإلتهابات المسالك البولية. ممكن تسألي والدتك وتقوليلها الاعراض اللي بتعاني منها ،ويفضل اكتر انك تسألي دكتور عشان هتحتاجي علاج يخلصك من العدوى .
سمعت اني أحتاج لتوعية حول ثديي ..ليه ؟
مهم انك تبقي عارفة ايه التغيرات اللي بتحصل لثدييك وقت الدورة الشهرية. كل شهر يستعد الثديين للحمل والإرضاع
قبل الدورة وبعد عملية التبويض غالباً بتكون أنسجة الثدي متكتلة ورقيقة . أما في باقي أيام الدورة هتلاحظي ان الثديين ناعمين ومسترحين بشكل عام.
وزي ما احجام أجسامنا مختلفة كمان أثداؤنا مش زي بعض وكمان شكل الحلمات بيختلف ساعات بتكون مسطحة أو معكوسة " مش بتكون بارزة للخارج " بشكل عام لازم تعرفي شكل ثدييك الطبيعي عشان لو حصلت تغييرات تلاحظيها بسرعة.
زي مثلا :
- احساسك بعدم الارتياح أو الألم في أحد الثديين.
- لو لاحظتي وجود مناطق سميكة أومتكتلة في أحد الثديين أوالإبط .
- تغيرات في الحلمة – الإفراز، أوالنزيف، أوالطفح أو التغيرات في وضع الحلمة.
معظم التغيرات دي قد بتكون غير مؤذية وسرطان الثدي بين المراهقات نادر جداً ، لكن ده ميمنعش ضرورة انك تعرضي نفسك على دكتور متخصص.
و للأسف ساعات التغيرات دي بتكون من علامات سرطان الثدي. لكن العلاج بيكون اسهل لو تم اكتشاف المرض ده بدري.
عشان كده لو لاحظتي اي حاجة مش طبيعية حتى ولو كانت بسيطة اعرضي نفسك على دكتور فوراً
