قبل وضع المكياج لازم تنظفي بشرتك كويس بعد كده تستخدمي كريم مرطب. وزعي كريم الأساس على وسط الوجه عبر الأنف والخدين بعد كده وزعيه على باقي أجزاء الوجه.

ولتسيهل توزيع الكريم وتجنب تراكمه استخدمي الأول كريم مرطب قبل ما تحطي كريم الأساس وسيبيه حوالي دقيقة حتى يمتصه الوجه.

لو كنتي بتستخدمي كريم أساس سائل .. رجي الزجاجة كويس قبل الإستخدام لأن المادة الملونة ممكن تكون متراكمة في قاع الزجاجة وبكده درجة الكريم مبتكونش متساوية.

لأفضل استخدام وزّعي كريم أساس سائل وكريم ستيك على وجهك باستخدام أصبعك بدلاً من الإسفنجة. فحرارة أصابعك تساعد على ذوبان كريم الأساس في البشرة بشكل أفضل. أما أسفنجة المكياج فمن الممكن أن تترك على الوجه بعض الخطوط.

افردي كريم الأساس على كل الوجه الخدين والجبهة والأنف والذقن والجفون. ابدئي من الأنف ثم باقي أجزاء الوجه. استخدمي الكمية الكافية المناسبة لكل جزء سواء كانت صغيرة أو كبيرة، وده معناه انك مش لازم تحطي كريم في كل الأجزاء.

وعشان بشرتك تكون وردية ممكن تستخدمي درجتين مختلفتين من كريم الأساس. ضعي أولاً درجة الكريم الأساسية المناسبة لدرجة بشرة الرقبة على كل أجزاء الوجه، بعد كده حطي كمية قليلة من كريم أساس أغمق على الأنف والخدود والذقن والجبهة.الطريقة دي هتخلي بشرتك نضرة وحيوية .

وانتي بتشتري كريم أساس، خلي معاكي مرآة صغيرةعشان تقدري تختبري اللون على بشرتك خارج المحل لأن الضوء الصناعي داخل المحل مش بيظهر اللون الحقيقي للكريم .

ولون كريم الأساس الأنسب لكي لا يظهر بشكل واضح في منطقة بين الذقن والفك .

احتفظي بدرجات مختلفة من كريمات الأساس؛ لأن لون بشرتك واحتياجاتك تتغير على مدار العام.

حطي كريم الأساس المدمج باستخدام اسفنجة جافة عشان يغطي وجهك بالتساوي.

ممكن تختفي الهالات السوداء بوضع كريم الأساس عليها باستخدام الأسفنجة بعد كده استخدمي فرشاة ناعمة لتوزيع كريم الأساس على الجزء اللي عايزة تخفيه.

كريمات الاساس غير السائلة مش هتخليكي محتاجة تستخدمي بودرة .

ممكن تستخدمي الكريمات دي على البشرة مباشرة باستخدام ستيك أو أطراف أصابعك.

لو استخدمتي ستيك، ابدئي من الخدين بعدها دلكي في اتجاه الخارج.

بعد كده حطي كمية صغيرة على الذقن والجبهة و دلكي في اتجاه الخارج.

استخدام أى "كونسيلر" لازم يكون بعد كريم الأساس السائل. لأنك لو استخدمتيه الأول هيختفي ببساطة لما تحطي كريم الأساس.

خبراء التجميل بيستخدموا "الكونسيلر" الخفيف بكميات بسيطة. عشان كده حاولي تستخدميه في أضيق الحدود يعني لو كانت بشرتك محتاجاه واتأكدي ان لونه مناسب لبشرتك وأفركيه كويس عشان يمتزج ببشرتك ويكون شكله طبيعي .

ممكن تمزجي ظلال الجفون المناسبة لمنطقة تحت العين، ببساطة، باستخدام كونسيلر "إريس" Erace الذي تنتجه شركة "ماكس فاكتور". ويمكنك مزج الكريم في الجزء الملاصق للأنف من الجانب الخارجي من الجفن الأسفل باستخدام أصبع البنصر (الأصبع المجاور للأصبع الصغير). ضيفي كمية قليلة من الكريم حول أنفك ومنطقة الجفون وفي أى مكان يحتاج إلى إضافة كمية أكبر من الكريم. وومهم انكك تتأكدي من فرد الكريم على البشرة بشكل جيد.

وتقدري تغطي عيوب بشرتك باستخدام كريم كونسيلر "إريس" عليها وحطيه على المناطق اللي عايزة تخفيها باستخدام فرشاة صغيرة أو فرده باستخدام الأصبع.