الصفحة الرئيسية > الجمال > الشعر

الشعر

Untitled Document

اتعلمي ازاي تتوقعي ميعاد الدورة -- المزيد


		ارسلي إلى صديق \| أطبعي الصفحة
	خريطة الموقع \| اتصلي بنا \| مواقع أخرى P&G \| مواقع لبلدان أخرى \| السرية \| البنود والشروط

لو شعرك حالته بتسوء يوم بعد يوم يبقى انتي محتاجة تعرفي أكتر إزاي تعتني بيه وإزاي تتعاملي مع المشكلات اللي بتقابلك عشان شكل شعرك يبقى صحي وجميل.

طبيعة الشعر الدهني بترجع إلى زيادة نشاط الغدد الدهنية في فروة الرأس وإفراز كمية كبيرة من الدهون.

ايه اللي لازم تعمليه ؟
إغسلي شَعرك بمجموعة من الشامبوهات المعتدلة ذات التركيبة المتوازنة بين الحمضيات والقلويات، وكفاية تحطي الشامبو على وسط ونهايات شَعرك . ابعدي عن تناول الأطعمة الغنية بالزيوت والدهون في نظامك الغذائي.

تجنبي ...
اغسلي شعرك بلطف ودلكي فروة رأسك ببطن إيدك لأن غسل الشعر بقوة بيساعد على إفراز الدهون بشكل أكبر ، ابعدي عن استخدام الشامبو كل يوم لأن ده بيزود الدهون فيه .

لما تتلف القشرة الخارجية لفروة الرأس ويبقى ملسها غير ناعم ده بيخلي الشعر يفقد لمعانه .
وللشمس والأتربة تأثير كبير على لمعان الشعر .

تعملي إيه ؟
عشان شعرك يبقى لامع استخدمي البلسم (خاصة الذي يحتوي على السيليكون) وممكن تستخدمي كمان سبراي تلميع الشَعر ولكن استخدميه بحذر لأن الكمية الكبيرة منه هتخلي شعرك شكله دهني.

تجنبي ..
تجنبي الاستخدام المفرط لمستحضرات الشَعر، اغسلي شعرك كويس بعد الشامبو.
وتجنبي استخدام المنتجات المركبة لأنها تطفئ لمعان الشَعر وخاصة المنتجات اللي بتدي للشعر شكل أكثر كثافة. وابعدي عن البلسم الدائم (اللي بيستخدم مع الشعر من غير غسيل )

الشعر غير الصحي بيفقد مرونته وبيمتص السوائل بشكل أكبر وبكده بيفقد الرطوبة بسهولة . حالة الشعربتكون غير مستقرة بين السقوط والتوقف أو تلاقيه كثيف في يوم ويوم تاني تلاقيه خفيف .

تعملي إيه ؟
نشّفي شعرك كويس باستعمال مجفف شَعرمع فرشاة بين سنونها مسافات واسعة وحرّكي الفرشاة باتجاه جذور شَعرك. كمان تصفيف الشَعر بشكل مدرج أواستخدام الصبغة هيساعدك في أن يبدو شَعرك كثيفاً.

تجنبي….
استخدام المستحضرات المركبة لتصفيف الشَعر . غّيري نوع الشامبو بانتظام.

القشرة عبارة عن رقائق جلد أبيض تتساقط من فروة الرأس، صحيح هي مش مشكلة كبيرة، ولكنها من ممكن أن تتسبب في شعورك بالإحراج أو تسببلك حكة في شعرك.

تعملي إيه؟
استخدمي شامبو مضاد للقشرة من نوعي جيد أو استشيري الصيدلي عن الأدوية المضادة للقشرة.

تجنبي….
استخدام البلسم أو منتجات الشَعر المركبة، لأنها بتمنع التساقط الطبيعي للقشرة. اختاري الشامبو مزيل للقشرة ولا يؤدي لجفاف فروة الرأس .

الشَعر بيبقى جاف وخشن لما تختفي القشرة الخارجية اللي بتحمي فروة الرأس، وده بيساعد على تقليل نسبة الرطوبة الطبيعة في الشَعر.

تعملي إيه؟
استخدمي شامبو وبلسم مرطب لشَعرك الجاف، خاصة لو كنتي عايشة في بيئة جافة أو لوكنت معرضة لمكيف الهواء.

تجنبي …
الاستخدام المفرط لمجفف الشَعر أوالمكواة . متغسليش شَعرك يومياً. وابعدي عن الأدوية الكيميائية زي الصبغة ومثبتات الشَعر لأنها بتضر شَعرك.

تقصف أطراف الشَعربيكون بسبب جفاف القشرة الخارجية لفروة الرأس. لو تلاشت القشرة دي خالص ، خصلات الشعر الداخلية بتبقى ظاهرة وده بيعرضها للتلف .

تعملي إيه؟
قصي أطراف شَعرك بشكل منتظم عند مصفف شَعر جيد لمنع ظهور التقصفات.

تجنبي…
تجنبي التمشيط المفرط للشَعر وخاصة بعد غسيل الشعر ، واستخدمي فرشاة بسنون ناعمة بينها مسافات واسعة، واستخدمي شرائط مرنة على شَعرك لتقليل تقصفه.