ياتري هي عملية بطيئة، ولا سريعة، ولا متغيرة طول الوقت!
في معتقدات كتير غلط خاصة بعملية إنقاص الوزن من بينها عمليه " الأيض " الأول لازم نعرف معني عملية " الأيض" وياترى هي عملية بتستمر بنفس الطريقة طول العمر ؟ وهل في ناس معينة بتواجه صعوبة في إنقاص وزنها ؟ كل الحاجات دي هتعرفيها السطور الجاية ....
•
الأيض كلمه بتوصف عملية إحراق السعرات الحرارية خلال اليوم. ورغم أن العملية دي بتختلف من شخص للتاني، لكن غالباً يحرق معظم الناس ما بين 1800-2800 سعر حراري في اليوم. والناس بتختلف في الحرق حسب طبيعة حياتهم والأنشطة اللي بيمارسوها ونسيج عضلاتهم وكمان جيناتهم الوراثية .
•
أنت بتحرقي من 24 إلى 27 سعر حراري، معدلات مختلفة حسب النشاط اللي بتعمليه. وكل ما زاد استخدام الكتلة العضلية في النشاط اللي بتعمليه، زادت كمية السعرات الحرارية اللي بتحرقيها.
•
تببساطة ممكن تفقدي وزن لو حرقتي سعرات حرارية أكتر من السعرات اللي بتاخديها من الأكل.
•
لو عايزة وزنك يقل رطل يبقى لازم تحرقي 3500 سعر حراري ولو مشيتي لمدة 20 دقيقة ممكن تحرقي 100 سعر حراري، يعني حوالي 4 قطع شيكولاته
•
السعرات الحرارية بتختلف حسب مصدرها يعني السعرات الحرارية الموجودة في الدهون بتزيد من وزنك أكتر من غيرها لأن جسمك بيستهلك قدر قليل من الطاقة عشان يحول الدهون دي إلى دهون تتراكم في الجسم ، ولما يحول جسمك الكربوهيدرات أو البروتينات إلى دهون في الجسم، بيحرق خلال العملية دي 23 % من السعرات الحرارية!عشان كده قبل ما تبدأي في انقاص وزنك لازم تخلي بالك من نوع الأكل اللي بيديكي سعرات حرارية لأن أكيد السعرات الحرارية الموجوده في الجبن القريش مختلفة عن البطاطس المحمرة أو الأيس كريم !
ياتري هي عملية بطيئة، ولا سريعة، ولا متغيرة طول الوقت!
في معتقدات كتير غلط خاصة بعملية إنقاص الوزن من بينها عمليه " الأيض " الأول لازم نعرف معني عملية " الأيض" وياترى هي عملية بتستمر بنفس الطريقة طول العمر ؟ وهل في ناس معينة بتواجه صعوبة في إنقاص وزنها ؟ كل الحاجات دي هتعرفيها السطور الجاية ....
•
كل ما بنكبر تتباطأ عملية الأيض في الجسم
•
الأشخاص أصحاب القوام الرشيق بتكون عمليه "الأيض " عندهم أنشط من غيرهم ، لأنهم بيحرقوا كمية سعرات حرارية أكبر مش بس في أوقات الرياضة لأ ده كمان في أوقات الراحة . وبحسبة تقريبية كل 100 سعر حراري بتحرقيه في أي نشاط بتعمليه ..بتحرقي معاه 15 سعر حراري وقت الراحة " نتيجة لحرق الدهون في النشاط اللي كنتي بتعمليه .
•
عملية الهضم نفسها بتحرق كمية كبيرة من السعرات الحرارية.ولو حرمتي نفسك من وجبة معينة هيقل نشاط عملية " الأيض " عشان يحتفظ جسمك بالطاقة . أما الوجبات الخفيفة زي الخضروات والحبوب والبروتين الخالي من الدهون فبتساعد الجسم أن يحتفظ بنشاط عملية " الأيض" بشكل عالي وحرق الدهون لبناء العضلات .
•
للوجبات الغذائية اللي بتحتوي على قدر قليل جداً من الدهون بتأثر بشكل سلبي علي عملية "الأيض" عشان كده يبقى الخطة الغذائية المتوازنة في أنسب طريق لانقاص الوزن يعني لازم الوجبة الغذائية تكون غنية بالبروتين والدهون المفيدة (مثل زيت الزيتون) وتحتوى على قدر أقل من الكربوهيدرات
•
إذا كنت أنت وأفراد عليتك بتعانوا من الوزن الزائد فابعدي عن العذر القديم "عظمي كبير وهيفضل وزني كده على طول ". لأن عملية " الأيض "غير النشطة مش وراثية ..وكلنا ممكن نقلل وزننا .
