معنى بداية الدورة الشهرية انك بدأتي تدخلي في مرحلة البلوغ وده معناه انك بقيتي قادرة على الإنجاب .الدورة الشهرية هتجيلك مرة واحدة كل شهر حتي منتصف عمرك .
خايفة؟ بتحسي بدوخة وميل للقيء؟ ممكن تتغلبي على المشاعر دي لو عرفتي يعني إيه دورة شهرية بشكل علمي .
كل شهر جسمك بيحرر بويضة وسمك بطانة الرحم بيزيد عشان يكون مستعد للحمل ويقدر يحتضن البويضة بحنان لو تم تخصيبها عشان تتحول لجنين ، وفي حالة عدم تخصيب البويضة، البويضة وبطانة الرحم بتخرج من جسمك من خلال فتحة المهبل، وده اللي بيسبب النزيف اللي بيحصلك وقت الدورة الشهرية .
اضغطي هنا عشان تعرفي أكتر عن الدورة الشهرية
هتتعاملي أفضل مع الدورة الشهرية لو بقى عندك معلومات كافية عنها .هتعرفي امتي لازم يكون معاكي صمامامت "التانبون" أو فوط صحية وتعرفي طبيعة ألام الدورة وازاي تتعاملي معاها. |
