في فترة البلوغ، جسمك بيفرز هرمونات جديدة بتخليه ينمو من الناحية الفسيولوجية، يعني هتلاحظي نمو النهدين ونمو شعر العانة وتبدأ دورتك الشهرية وهي الفترة اللي يمكنك فيها الإنجاب.

بداية البلوغ عند البنات عادة بتكون ما بين سن 7- 13 سنة وتتميز المرحلة دي ببداية الدورة الشهريةوبعد سنتين بيبدأ نمو النهدين ،لكن سن البلوغ بيختلف من بنت للتانية لأنه بيتحكم فيه عوامل كتير زي الوزن والجنس والجينات الوراثية يعني لو والدتك بلغت في سن صغير معني كده أن مرحلة البلوغ هتبدأ عندك في نفس السن.

وللأسف، مفيش قاعدة عامة للبلوغ ومفيش طريقة واحدة للتعامل مع المرحلة دي ..لكن ممكن تخففي الضغط اللي بتتعرضي له ، إذا اهتميتي بكل حاجة بتحسي بيها حتى لو كانت بسيطة . وانتي مش أول بنت بتحس بالخوف والخجل من المرحلة دي وانتي مش البنت الوحيدة اللي مبتقدرش تنام باليل وتقلق لأنها الوحيدة في الفصل اللي مش لابسة صدرية لحد دلوقتي ..ا

لسه قلقانة من تغيرات جسمك؟

اضغطي هنا عشان تعرفي إيه اللي بيحصل وفين ؟